Хайгуулын тусгай зөвшөөрлийн хүсэлтийг энэ сарын 24 буюу ирэх даваа гаригаас эхлэн Ашигт малтмалын газарт хүлээн авна.

Монгол улсын нутаг дэвсгэрийн уртрагийн 104 градусаас зүүн хагасын 11.94 сая гектар талбай болон баруун хагаст үлдсэн 1.95 сая гектар талбайд хайгуулын тусгай зөвшөөрөл хүссэн өргөдлийг хүлээн авах бэлтгэл ажил бүрэн хангагджээ. Тиймээс ирэх даваа гаригаас цахимаар дугаар олгож эхлэх аж.

Ашигт малтмалын газарт Хайгуулын тусгай зөвшөөрөл авах хүсэлтээ бүртгүүлсэн нийт 1138 аж ахуйн нэгж байгаагаас 873 нь VPN төхөөрөмж авч, цахим дугаар олголтод оролцох эртэй болжээ.

Нийт бүртгүүлсэн аж ахуйн нэгжүүдийн 1076 нь дотоодын хөрөнгө оруулалттай, 50 нь гадаадын 100 хувийн хөрөнгө оруулалттай, 12 нь хамтарсан хөрөнгө оруулалттай юм байна.