МАХН-ын дарга, экс ерөнхийлөгч Н.Энхбаяр ХЗДХ-ийн сайд Ц.Нямдоржийг нэр төрд халдсан гэх үндэслэлээр Сүхбаатар дүүргийн шүүхэд иргэний нэхэмжлэлээр гомдол гаргасан билээ.
Харин Сүхбаатарын шүүх экс Ерөнхийлөгчийн гомдлыг хүлээж авахаас татгалзсан хариу өгчээ. Учир нь гомдол гаргах харьяалал нь Сүхбаатар биш Чингэлтэй дүүргийн шүүх тул, тэнд гомдол гаргах ёстой гэж үзжээ. Н.Энхбаяр нэр төрөө сэрээлгэхээр 100 сая төгрөг нэхэмжилжээ.
Үндэслэл нь эрүүгийн хэрэгт татагдан шалгагдаагүй байхад сайд Ц.Нямдорж худал мэдээлэл тараасан, нэр хүндэд нь халдсан гэж үзэж байгаа юм билээ.