Нийтийн тээвэрт цахим төлбөрийн систем нэвтрүүлж эхэлснээр өнөөдрийн байдлаар 250 мянга орчим иргэн картаар үйлчлүүлж байгаа аж.

Нийслэлийн хэмжээнд 750 мянган иргэнд цахим карт борлуулахаар тооцоод буй юм байна. Тиймээс цахим карт худалдаж авч амжаагүй иргэдийг 9 дүгээр сарын 1-нээс өмнө картаа авах шаардлагатай болох нь ээ. Учир нь ирэх сарын 1-ээс хойш картгүй иргэн бэлэн мөнгөөр зорчих бол  1000 төгрөг төлнө гэдгийг албаны хүн мэдэгдсэн.

Түүнчлэн нийслэлийн иргэдийн дийлэнхи нь цахим картаа авч, цахим төлбөрийн систем жигдэрч эхэлсний дараа нийтийн тээврээр үйлчлүүлж буй иргэн дараагийн автобусанд дамжин суухдаа төлбөр төлөхгүй зорчих зохицуулалт хийхээр төлөвлөж байгаа юм байна. 

Б.Хүлэг