БНХАУ-ын гурван иргэн уурхайд осолджээ. Сүхбаатар аймгийн Мөнххаан сумын 5 дугаар багийн нутагт үйл ажиллагаа явуулдаг “Нутгийн анар” ХХК-ийн Бүрэнцогтын уурхайд БНХАУ-ын гурван иргэн уурхайн гүн рүү ороод гарч ирэхгүй байна гэсэн дуудлага энэ сарын 16-ны өдөр онцгой байдлын газарт иржээ.
Дуудлагын дагуу ОБЕГ-ын харъяа Уул уурхайн аврах ангийн 13 албан хаагч, аймгийн Онцгой байдлын газрын долоон албан хаагч, нийт 20 албан хаагч, 3 техник хэрэгсэлтэйгээр эрэн хайх ажиллагааг зохион байгуулж БНХАУ-ын иргэн Х /48 настай, эрэгтэй/-ийн цогцсыг 16-ны өдрийн 22:20 цагт, Д /40 настай, эрэгтэй/, З /52 настай эрэгтэй/ нарын цогцсыг 17-ны өдрийн 15:30 цагт гаргажээ.
Уурхайн 60 м-ийн гүнд хүчил төрөгчийн дутагдалд орж угаартсан байдалтай нас барсан байжээ. Уг ослыг аймгийн холбогдох байгууллагууд шалгаж байна.
Б.Хүлэг
Уншиж байна |