МЗХ-ны дэргэдэх Залуучуудын Хөдөлмөрийн Төв бирж  Оросын оюутны отрядтай хамтран ажиллахаар болжээ. ОХУ-ын залуучуудын олон нийтийн байгууллага болох Оросын оюутны отрядтай хамтран Монголд хөдөлмөрч оюутан залуусын хөдөлгөөнийг өрнүүлж, суралцаж байх хугацаандаа эх орондоо мэргэжлээрээ ажиллах, бусад улс орнуудад ажиллаж туршлага хуримтлуулах боломжийг бүрдүүлэх, амралтын хугацаагаа үр бүтээлтэй өнгөрүүлэх боломжоор хангах зорилгоор хамтран ажиллах гэрээнд гарын үсэг зурсан байна.

Хамтран ажиллах гэрээнд Залуучуудын Хөдөлмөрийн Төв Биржийн захирал Б.Бэлгүтэй, Эрхүү мужийн оюутны отрядын удирдлагын газрын дарга Н.С.Петров нар гарын үсэг зуржээ.

Өнгөрсөн онд Оюутны отрядуудаар дамжуулан ОХУ-д 240.000 гаруй оюутан 3-6 сарын хугацаанд мэргэжлээрээ ажиллаж цалин урамшуулал авахын зэрэгцээ дадлага туршлага хуримтлуулж ОХУ-ын бүтээн байгуулалт, эдийн засгийн өсөлтөнд хувь нэмэрээ оруулсан байна.