Эрүүл мэнд спортын сайд Г.Шийлэгдамбыг өчигдөр 22:30 цагт АТГ-аас баривчилсан билээ.

Мөн БХБ-ын сайд З.Баянсэлэнгэ гишүүнийг Г.Шийлэгдамба сайдын хэрэгт холбогдуулан шалгахаар хайж байгаа сураг гарсан. Гэвч тэрбээр энэ талаар өөрөө ч мэдээгүйгээр барахгүй, “Би ажлаа хийгээд явж байна”  хэмээлээ. 

Түүнчлэн  МАХН-ын гишүүн, Батлан хамгаалахын сайд Ц.Цолмон ямар мэдээлэлтэй байгаа талаар тодруулахад “Эрүүл мэнд, спортын сайд Г.Шийлэгдамбыг баривчилсан гэдгийг сонссон. Ямар үндэслэлээр баривчилсан талаарх мэдээлэл одоогоор алга байна. Өмнө нь шалгаж байсан зүйл байхгүй. Хөрөнгө орлогын мэдээлэл өгч байгаа хүн бүр АТГ бүртгэлтэй байгаа. Төрийн өндөр албан тушаал хашч байгаа бүх хүн АТГ-тай харьцаж, мэдээлэл өгч ажиллах үүрэгтэй” гэсэн юм.

Н.Энх