Төрийн ордонд суугаа дээдсийн дунд сvрхий хагарал гарч, Засгийн газрын хувь заяаг хэрхэхээ шийдэж чадахгvй байгаа гэнэ. Уг нь олон нийтийн хувьд Ч.Сайханбилэгийн толгойлж буй засгийг сонгууль хvртэл гvрийчихээсэй хэмээн “залбирч” байгаа. Учиргvй сайндаа биш ч өөрчлөгдсөн ч дээрдэхгvй болохоор ийн хэвээр нь vлдээхийг хvсэмжлэх болж. Харин улстөрийн хvрээнд бол vгvй.

Тэр тусмаа эрх барьж буй хэмээн цээжээ дэлдээд буй АН-ынхны олон фракц дотроо хагаралдаад байсхийгээд л “Сайхнаа сайд”-ыгаа “нударчих” гээд байгаа аж.

Ядахад Зам тээврийн яамны төрийн нарийн бичгийн дарга асан Б.Батзаяагийн баривчилгаа бvр ч нэрмээс болж, Засгийн газрын суурьтай бат, нягт зууралдсан юм байх. Vvнийг нь батлах мэт Х.Баттулга саяхан “Би багийн нөхдөө өмгөөлөх ёстой. Цагдаагийн дарга нар чинь улстөрчид болчихсон, захиалгат ажил хийдэг. Цагдаагийн даргыг хэн томилдог юм бэ, Ерөнхий сайд. Тэр утгаар нь хэрвээ иймэрхvv байдлаар ажиллах гэж байгаа бол өөрөөр ярина шvv л гэсэн.” хэмээн нэгэн ярилцлагадаа дурдаад өнгөрсөн. Тvvнчлэн “Би засгийг огцруулахын эсрэг байгаа. Зөвхөн өөрсдийн хувийн эрх мэдэл, баялгийн төлөө ингээд улайраад байвал Монгол Улсад их хохиролтой. Би Засгийн газрын тэргvvнийг л хэлж байна. Намын хамт олон дотор бол Ерөнхий сайдын нэр хvнд, рейтинг гэж байхгvй” гэж ширvvн нь аргагvй ярьсан.

Харин дараахан нь буюу энэ сарын эхээр саарал ордонд эрчvvдийн хооронд их л “нээлттэй” ярилцлага болжээ. УИХ-ын дарга З.Энхболд МАН-ын дарга М.Энхболдын ажлын өрөөнөөс гарч ирсэн нь тухайн vед олны анхаарлыг яалт ч vгvй татсан. Мэдээж оройн цагаар байсан тул тvvний тэр vеийн байдлыг маш цөөхөн хvн харчихаад, хоорондоо биесээ нудралцан, нvд ирмэлцээд өнгөрчээ. Ингэхдээ мөн л Засгийн газрын хувь заяаны талаар нууцхан шивнэлдээд авсан аж.
Төрийн ордны “бор шувууд” жиргэхдээ УИХ-ын дарга З.Энхболд АН-ын даргын албыг давхар хашиж байгаагийн хэрээр элдэв шахалтад орж, сvvлийн vед тун хэцvvхэн байдалд ороод байгаа тухай ч чих дэлсvvлэх болсон. Тэдгээрийн дунд эрхэм спикерийг “өөрөө засгаа тэргvvл” гэдэг шахаа тэргvvлж байгаа гэнэ. Учир нь Х.Баттулга З.Энхболдод хандан “Манай хvмvvсийг хамгаалсангvй” гэж ширvvхэн давшилсан гэнэ. Гэхдээ энэ vйл хэрэгт өөрийн зvгээс “туслалцаа” vзvvлэх тухай ч ярьжээ. Өөрөөр хэлбэл УИХ-ын гишvvн Г.Уянга Ерөнхий сайдыг огцруулахаар гарын vсэг цуглуулж яваа. Энэ нь АНЭУ-ын Дубай хотноо Ерөнхий сайд Ч.Сайханбилэг Оюутолгойн “Далд уурхайн бvтээн байгуулалтын төлөвлөгөө”-нд өнгөрсөн тавдугаар сард гарын vсэг зурсантай холбоотой. Харин энэ гарын vсэг цуглуулах ажилд өдгөө 17 гишvvн мутраа хайрлачихсан. Хэрвээ 19 гишvvн гарын vсгээ зурчихвал хуулиараа Ерөнхий сайдыг огцруулах тогтоолын төслийг УИХ-ын даргад өргөн мэдvvлж чуулганы хуралдаанаар хэлэлцvvлэх боломжтой болно.

Тиймээс Х.Баттулга гишvvн УИХ-ын даргад vзvvлэх туслалцаа нь фракциасаа сонгогдсон хоёр сайдынхаа гарын vсгийг Ерөнхий сайдыг “унагах” төлөвлөгөөнд зуруулах ажээ. Vvнийгээ 10 гаруй хоногийн өмнө амралтын өдрvvдийг ашиглан хэрэгжvvлснийг МоАХ-ын зарим гишvvн ил гаргасан. Х.Баттулга МоАХ-д хамааралтай нөхөдтэйгөө “Цонжин болдог”-т болзон, улстөрийн хvрээнд ямар vйл ажиллагаа явуулахаа ярилцсан юм билээ. Тvvнийхээ хариуг ихэд чандлан нууцлаарай гэж эрхэм гишvvддээ захьжээ. Өөрөөр хэлбэл УИХ-ын дарга З.Энхболд дараагийн нvvдлийг Х.Баттулга гишvvн гартаа атгачихсан, хөмсгөө зангидан яваа аж. Харин спикерийн хувьд АН-ын дарга учраас мөн л саяхан “АН оролцохгvй учраас засаг унагах санаархал газар авахгvй” гэээд мэдэгдчихсэн байдаг нь асуудлыг бvр ч ээдрээтэй болгож орхиод байна. З.Энхболд даргын хувьд өөрийнхөө хэлсэнд хvрэх vv, шантаажаас гарч, шалавхан өөрөө Ерөнхий сайд болох уу гэдэг замаас сонголтоо хийх vлджээ. Тvvний гаргасан ямар ч шийдвэр АН-ынхан төрийн эрхэнд гарч, Засгийн газраа толгойлоход өдгөө ч эртэдсэн хэвээр байгааг харуулж байх шиг. Мэдээж тэд туршлагагvй дээ бус, дотооддоо хагаралтай учраас л тэр.

Эх сурвалж: