Холливуудын одод сайхан харагдах, биеийн жингээ тогтмол барихын тулд ямар нууц арга хэрэглэдэг талаар “www.starcentralmagazine.com” сайт мэдээлжээ.
“Victory’s secret”-ийн сахиусан тэнгэр Адрина Лима сайхан харагдахын тулд их хөдөлмөрлөдөг тухайгаа нэг бус удаа өгүүлсэн. Тэрбээр загварын шоунд оролцохоосоо есөн хоногийн өмнөөс өдөрт 3 дээшгүй литр цэвэр ус ууж, шоу эхлэхээс есөн цагийн өмнөөс зөвхөн алим идэж, ус уухаа зогсоодог байна. Лима энэхүү хоолны дэглэмээ гурван сард буюу жилд дөрвөн удаа хэрэгжүүлдэг байна. Тэрбээр мөн 21 хоногт нэг удаа жимс иддэг гэнэ.
Холливуудын нэрт жүжигчин нимбэг тогтмол хэрэглэснээс хойш сүүлийн 10 жил илүүдэл жиндээ санаа зовоогүй гэнэ. Тэрбээр өглөө сэрээд л нэг аяга хүйтэн нимбэгний шүүс уудаг байна. Өглөө нимбэг хэрэглэх нь хоолны дуршил буруулдаг болохыг эрдэмтэд тогтоожээ.
Дуучин бүсгүй хоёр сард нэг удаа биедээ “Мастер цэвэрлэгээ” хийдэг гэнэ. Түүний жин байх ёстой хэмжээнээс хэтэрсэн бол тэрбээр дээрх цэвэрлэгээг хийж, нэг өдрийн турш ус ууж, цэцэгт байцаа болон алим иддэг гэнэ. Тэрбээр энэ аргыг 2007 онд санамсаргүйгээр олж мэджээ. Тэрбээр “Мөрөөдлийн охид” кинонд тоглохын тулд 14 хоногийн дотор есөн кг-ийг хасч чадсан гэнэ. Бейонси цэцэгт байцаа болон усыг хослуулан хэрэглэж, 58 кг хүртлээ турж чаджээ.
Хоёр хүүхдийн ээж, жүжигчин Фокс туранхай эрүүл харагдахын тулд үргэлж алимны дарс хэрэглэдэг гэнэ. Дарс өөхийг шатааж, илүүдэл жин үүсгэдэггүй аж.
Кейти жин нэмэхдээ амархан бөгөөд турахын тулд долоо хоног зарцуулдаг гэнэ. Тэрбээр долоо хоногийн турш хатуу дэглэм барьж, зөвхөн луувангийн шөл, цэвэр ус уудаг аж. Жүжигчин бүсгүй энэ дэглэмийг барьснаар долоо хоногт 11 кг-ийг хасч байжээ. Хоолны дэглэмээс гадна өдөрт 4-5 цаг йогоор хичээллэдэг байна.
Дуучин Кейти амттан идэх дуртай ч сайхан харагдахын тулд 2012 оноос хойш чихэр болон шоколад идээгүй гэнэ. Тэрбээр амттанаас татгалзаж, долоо хоногт нэг удаа эмчийн заавраар гэдэс цэвэрлэх цай эсвэл эм уудаг болжээ. Кейтигийн нарийнхан бэлхүүсний нууц гэдэс цэвэрлэх бүтээгдэхүүнд аж.
Тэрбээр байнга өндөр өсгийт өмсдөг учир огт таргалдаггүй гэнэ. Өндөр өсгийт биеийг галбиржуулдаг аж. Хатагтай Бекхэм үхрээс өөр малын мах хэрэглэдэггүй байна.
Бундхен цагаан хоол болон йогийг хослуулж чадсанаараа үргэлж туранхай, сайхан харагдах болжээ. Тэрбээр өдөрт дөрвөөс дээшгүй цагийг йог хийхэд зарцуулдаг байна.
“Скандал” цувралын од жүжигчин бүсгүй өнгөрсөн оны сүүлээр хүүтэй болсон билээ. Тэрбээр жирэмсэн байхдаа 18 кг нэмсэн бөгөөд энэ тухайгаа “Намайг нөхөр минь хүртэл танихгүй байсан. Би үнэхээр таргалсан” гэж ярьж байжээ. Керри 21 хоногийн дотор 12 кг хасчээ. Тэрбээр энэ өдрүүдэд зөвхөн самар, лимон, далайн бүтээгдэхүүн болон цэвэр ус хэрэглэсэн гэдэг.
Опра 14 хоногт нэг удаа хүссэн бүхнээ иддэг гэнэ. Тэрбээр маш хатуу хоолны дэглэм барьдаг бөгөөд дэглэмээсээ болж, нэг бус удаа эмнэлэгт хүргэгдэж байжээ. Хөтлөгч согтууруулах ундаа огт амсдаггүй бөгөөд зөвхөн ус уудаг байна. Түүнийг өдөрт 10 ширхэг самар, нэг аяга шөл, 250 грамм салат иддэг хэмээн хэвлэлүүд бичдэг. Опра 1999 оноос цагаан хоол идэх болжээ.
Дуучин бүсгүй гурван жилийн дараа эргэн ирж, саяхнаас уран бүтээлээ нийтэд хүргэж эхэлсэн билээ. Өсвөр насны охин байхдаа 114 кг байжээ. Тэрбээр 2012 онд “Жеймс Бонд” киноны дууг дуулах үедээ 89 кг байсан. Харин одоо 75 кг болсон гэнэ. Адель турахын тулд огт дасгал хийгээгүй бөгөөд зөвхөн хүүгээ хөхөөрөө хооллож, эрүүл хүнс хэрэглэж, хоёр жилийн дотор 10 гаруй кг хасч чаджээ.
Б.Дэлгэрцэцэг
Уншиж байна |