АНУ-ын Ерөнхийлөгчийн сонгуульд сөрөг хүчин Бүгд найрамдах намаас нэр дэвших сонирхолтой байгаа тэрбумтан Дональд Трампийг дэмжигчидтэйгээ уулзаж байх үеэр нэг этгээд халдахыг санаархсан тухай “www.dailymail.co.uk” мэдээллээ. Трамп өчигдөр Алабама мужид иргэдтэй уулзах үеэрээ “Хэрвээ би Ерөнхийлөгч болбол Сирийн дүрвэгсдийг хүлээн авах болно” гэж хэлжээ.

Түүнийг ийнхүү хэлсний дараа 40 орчим насны өнгөт арьстай эрэгтэй “Чи америкийг там болгохыг хүсээ юу” гэж хэлээд Трамп руу дайрсан байна. Эрэгтэй нэр дэвшигчийн хамгаалагчийг цохиж, сандал шиджээ. Хамгаалагчид эрэгтэй баривчилж, танхимаас гаргасан байна.

“Трамп гэмтээгүй” хэмээн түүний хэвлэлийн төлөөлөгч нь мэдэгдсэн байна. Уулзалтын дараа нэр дэвшигч “Америк бус миний уулзалт там болчихлоо. Хамгаалалтаа нэмэгдүүлэхээс өөр сонголтгүй боллоо” гэж хэлжээ.

Б.Дэлгэрцэцэг