Францын нийслэл Парис хотоос Бүгд найрамдах Маврикий улсын чиглэлд нисч явсан “Air France” компанийн “Бионг 777” онгоцноос тэсрэх бөмбөгтэй адилхан зүйл олдсон учир ахмад яаралтай ослын буулт хийсэн тухай “www.dailymail.co.uk” мэдээллээ. Ахмад онгоцоо Кени улсын Мой олон улсын нисэх буудалд газардуулж, зорчигчид болон багийн гишүүдийг яаралтай буулгасан байна. Онгоцонд 459 зорчигч болон багийн 14 гишүүн зорчиж явжээ.
Шинжээчид онгоцыг хагас цаг нэгжсэний эцэст угаалгын өрөөнөөс картон хайрцаг дээр суурилуулсан цаг олсон байна. Одоогоор шинжээчдийн гарт ороод буй цаг тэсрэх бөмбөг эсэх нь тодорхойгүй байгаа юм. Цагдаагийнхан цагтай холбоотойгоор дөрвөн этгээдийг баривчилж, зургаан зорчигчоос мэдүүлэг авсан байна.
Хэргийг Франц болон Маврикийн шинжээчид шалгаж байгаа гэнэ.
Б.Дэлгэрцэцэг
Уншиж байна |