Ойрын төлөвлөгөөндөө “машинтай болно” гэсэн том худалдан авалтыг оруулсан байгаа юу. Цоо шинэ төмөр хүлэгтэй болох хүсэлтэй байгаа ч санхүүгийн асуудлаас болоод хуучин дээр буугаад байна уу. Тэгвэл танд бяцхан зөвлөгөө өгье. Хуучин автомашин худалдан авахдаа юуг анхаарах вэ?

-Худалдан авах гэж буй машиныг чинь засварладаг дагнасан засварын газар болон сэлбэг хэрэгслийн дэлгүүр хаана байдгийг судал.

-Тухайн машиныг хэдэн онд үйлдвэрлэгдсэнийг суудлын бүснээс хар. Мөн шинэ, хуучин ямар ч байсан пайзтай байдаг. Тэр нь копутны арын хэсэгт буюу салхины шилний ойролцоо хадагдсан байгаа.

-Япон машин хийц, чанарын хувьд Солонгос машинаас илүү эдэлгээ урттай байдаг ч сэлбэг нь харьцангуй үнэтэй байдаг.

-Машиныг асаагаад утааг нь хар. Утаа их хаяж байгаа машин тодорхой хэмжээний эвдрэлтэй байна гэсэн үг.

-Машины жолоог эгц байрлуулаад урдаас нь харж, дугуй нь голлож байгаа эсэхийг шалга. Дугуй нь хазайж, тавилтын өнцөг алдагдсан машины дугуй хурдан элэгддэг.