Ирвэс судлаач биологч Т.Лхагвасүмбэрэл агсны амиа алдсан талаарх олон нийтийн сэжиг таамаг цагдаагийн тайлбар хоёр зөрүүтэй байгаа. Түүнийг хотоос гардаг өдөр машиндаа ганцаараа яваагүйг нотлох нэгэн бичлэг олон нийтэд түгээд байна.
Удаашруулан харуулсан энэ бичлэгт Сүмбээ агсан машиныхаа арын хаалгаар буугаад, урд талаар нь тойрохдоо жолоочийн талд түр саатаад, хойд хаалгаар орж сууж байгаа нь хөлийнх нь дүрслэлээс харагджээ. Энэ үед Сүмбээ агсан Хөвсгөл рүү машин дотроо ганцаараа бус өөр хэн нэгэнтэй, эсвэл хэдэн хүнтэй хамт явж байсан гэж таамаглаж болохоор байна. Үүнийг цагдаагийнхан нарийн сайн шалгаж эцэслэх нь дамжиггүй биз ээ.
Түүний машинаас олдсон гар утас дахь амиа алдахаас өмнөхөн хийсэн бичлэгийг ганцаараа хийсэн гэсэн дүгнэлтээ гарсан тухай цагдаагийн байгууллага мэдэгдсэн. Дээрх бичлэгээс харахад тэрээр машиндаа ганцаар яваагүй бололтой юм. Тэгэхлээр цагдаагийнхан түүний машинаас олдсон гар утас дахь бичлэгийг дахин нягтлах хэрэгтэй болж байна. Үүнийг иргэд олон нийтийн сүлжээгээр илэрхийлж эхэлжээ.
Д.Баяр