Өөрийн асарч байсан хөгжлийн бэрхшээлтэй дөрвөн настай хүүхдийн амийг бүрэлгэж, толгойг нь таслан олон нийтийн газраар барьж явсан харгис хэрцгийг эмэгтэйн хэргийг ОХУ-ын Прокурорын газраас шалгаж байна. Лалын шашинтнууд олноор амьдрах Узбекстаны иргэн 38 натай Гюлчехра Бобокулова уг хэргийг үйлдсэн бөгөөд түүний сэтгэц болон тухайн үед ямар нэг сэтгэцэд нөлөөлөх эм бэлдмэл хэрэглэсэн байсан эсэхийг албаныхан шалгахаар төлөвлөж буй аж. 

ОХУ-д эмэгтэйчүүдэд 25-аас дээш жилийн ял ногдуулах боломжгүй байдаг ч, насанд хүрээгүй хүүхдийг балмадаар хөнөөсөн уг эмэгтэйд бүх насаар нь хорих ял төлөвлөжээ. Гэхдээ эмэгтэй сэтгэцийн өвчтэй нь тогтоогдвол ял ногдуулах боломжгүй болох гэнэ. Прокурорын газраас мэдээлснээр одоогоор сэжигтний хувийн зан чанар, ямар шалтгаанаар хэрэг үйлдсэн зэргийг шалгаж байгаа аж. 

Сэжигтэн энэ сарын 2-ны өдөр болсон шүүх хурлын үеэр охиныг хөнөөхийг Аллах тушаасан хэмээн мэдүүлсэн байсан юм. Интернэтэд тавигдсан дүрс бичлэгт гурван хүүхдийн ээж, харгис эмэгтэй ОХУ-ын Ерөнхийлөгч В.Путины өнгөрсөн оны есдүгээр сараас Сирид эхлүүлсэн агаарын довтолгооны “хариу” болгон охиныг хөнөөсөн гэж хэлж буй байдал дүрслэгдсэн байжээ. 

Эх сурвалж: www.mminfo.mn