Улаанбаатар такси ХХК-ийн жолооч агсан Т.Даваасүрэнгийн гэр бүлд "Стандарт Проперти групп" ХК бүтээн байгуулж буй хороололдоо хоёр өрөө байр бэлэглэх мэдээ нийгмийн сүлжээгээр тарж, хүмүүсийн талархлыг хүлээгээд байсан. Тэгвэл тус компанийн хамт олон өнөөдөр Т.Даваасүрэн агсны гэр бүлд “Шинэ толгойт” орон сууцны хорооллоосоо хоёр өрөө байр бэлэглэж, захиалгын гэрээ, батламжийг нь гардуулан өглөө.
Компанийн зүгээс орон сууцны хороолол борлуулагдаж эхэлсэн бөгөөд байгаа өрөөнүүдээсээ сонгуулна гэдгээ гэр бүлийнхэнд хэллээ. Харин Т.Даваасүрэн агсны гэргий "Миний сайхан ханийн хүсэл мөрөөдлийг биелүүлж өгсөн сайхан сэтгэлт та бүхэнд маш их баярлалаа. Таван хүүхдээ маш сайн хүн болгон төлөвшүүлж, та бүхний ачийг насан туршдаа мартахгүй явна" хэмээн талархлаа илэрхийлэв.
В.Бат
Уншиж байна |