АНУ-ын Ерөнхийлөгчийн сонгуульд Бүгд найрамдах намаас нэр дэвшихээр намын сунгаанд өрсөлдөж буй тэрбумтан Дональд Трамп намын гол өрсөлдөгчийнхөө эхнэрийг доромжилсон талаар “www.dailymail.co.uk” мэдээллээ. Трамп твиттертээ Тед Крузийн гэргий Хейди Крузийн зургийг нийтлээд “Миний эхнэр “GQ” сэтгүүлд зургаа авахуулсан. Харин энэ эмэгтэй” гэж жиргэжээ.

Трампийн гэргий Мелина Трамп модель бөгөөд нөхрөөсөө 24 насаар дүү билээ. Уг жиргээний дараа Тед твиттертээ “Трамп таны гэргий үзэсгэлэнтэй. Гэхдээ миний эхнэр сайн эх бас халамжтай хань” хэмээн хариу жиргэсэн байна.

Нэр дэвшигчид ийнхүү нэг нэгнийхээ хувийн амьдралд оролцож эхэлснийг интернэт хэрэглэгчид шүүжилжээ. Трамп мөн “Бид эмээг Ерөнхийлөгчөөрөө сонгох ёстой гэж үү. Бидэнд эмээ биш, удирдагч хэрэгтэй” хэмээн Хилари Клинтоныг доромжилсон байна.

Б.Дэлгэрцэцэг