Амар амгалан оршихыг бэлгэдэж, Майдар эргэлээ
2016-04-28

Гэрэл зургуудыг MPA.MN

 

Гандантэгчэнлин хийдэд Хаврын адаг сарын шинэдийн өлзий ерөөл бүрдсэн сайн өдөр Майдар эргэдэг уламжлалтай. Энэ уламжлалын дагуу өнөөдөр Майдар эргэх ёслолыг үйлдлээ.

 

Гандантэгчэнлин хийдийн тэргүүн хамба, гавж Д.ЧойжамцЭнэ агуу их буяныг бүтээж байгаа энэ олон сайхан хүмүүсийн буянд даган баясаж, та бүхэн урт настай, удаан жаргалтай, өвчин зовлонгүй байж, барцадгүй мэнд, эд таваар элбэг дэлбэг, үр хүүхэд нь өнөр өтгөн байхын хамгийн сайхан бүхнийг хүсэн ерөөлийг дэвшүүлж байна” хэмээн сүсэгтэн олонд ерөөл айлдлаа.

 

Майдар эргэх ёслолын тухай

 

 

Майдар бурхан нь Буддагийн ирээдүйн дүр бөгөөд энэ орчлонд Буддагийн үе дуусмагц Майдар бурханы үе эхэлнэ хэмээн үздэг. Майдар эргэх ёслол гэдэг нь Майдар бурхан залран ирж эх болсон зургаан зүйл хамаг амьтны тусын тулд тэдний амар амгалан оршихыг бэлгэдэн ач ивээлээ хайрлаж буйг харуулсан шашны зан үйл юм.



Энэ ёслолд хоёр долоо хоног орчим бэлддэг. Хоёр дугуйтай тэргэнд Майдар шүтээнээ залан хийд тойрон гороо хийхэд бэлэн болгодог. Шүтээний өндөр нь газраас найман тохойноос багагүй байх ёстой. Тэргэнд мод цаасаар хийсэн ногоон өнгийн морь, зааныг хөллөж, нуруунд нь чандмань эрдэнийн дүрсийг зална.



Майдар эргэх өглөө, лам нар ердийнхөөрөө хурлаа эхэлж, хурлын дараа хийдийн хамба лам хоёр гурван ширээт ламын хамт Майдар бурханы алтадсан хөргийг дуганаас гаргаж, бусад лам нар Майдар бурхны таван аймаг номыг авч ирж бурхны өмнө зална. Дараалах лам нар хүж арц асаан, төрийн долоон эрдэнэ, өлзийт найман тахил, таван хүсэл зэргийг тэргэнд залсан Майдар бурхны өмнө өргөнө. Үүгээр Майдар эргэх ёслол эхэлнэ.
 


Зэрэг дэвээрээ жагссан лам нар хос хосоороо лавай, цан, хэнгэрэг, бишгүүр, ганлин бүрээ, үхэр бүрээ зэргийг дуугарган явна. Мөн нэг лам хонх дуугаргаж, өөр нэг лам Майдар бурхны шар шүхрийг тус тус барин цувран явна. Түүний араас Майдар бурхны тэрэг дагалдан явах ба хорь орчим лам морины цулбуур, тэргэнд уясан татлага оосрыг мөрөндөө эгэлдэргэлэн тэргийг чирдэг. Тэрэгний араас хоёр бүрээч лам, бусад лам нар дагалдан явна. 
 


Майдар бурхан тэргийг баруун тийш нар зөв эргүүлэн хөгжмийн зөөлөн аянд хийдээ тойрч хөдөлнө. Хөдөлгөөн нь удаан, зааны явдал шиг байх ёстой. Тийнхүү явсаар хийдийн хойд хаалган дээр ирэхэд лам нар хангай дэлхийд ном уншиж, балин өргөнө. Дараа нь түр завсарласны дараа лам нар Майдарын тэргэн дээр эргэн цугларч аз жаргал, ариун ёсны ерөөл номыг хурна. Хурал өндөрлөхөд тэргийг дахин хөдөлгөж, хийдийн зүүн хаалганы дэргэд ирж, шүтээнээ өмнө зүг хандуулан Майдарын таван номыг хурдаг. Дараа нь цуваа тэндээс хөдөлж хийдийн гол хаалгаар орж гол сүмийн үүдэнд ирнэ. Энд Майдарын ерөөл хурж, үүгээр Майдар эргэх ёслол өндөрлөдөг. Шүтээнээ тэргэнээс авч гол сүмдээ залах ба бусад хэрэглэсэн зүйлсийг байр байранд нь буцаан тавина.

Shuud.mn
Сонин хачин
майдар бурхан:
уучлаарай майдар бурхан нь 10-р хороололд ирээд амьдарч байнааа.
2016-04-29
зочин:
Энэ бол уламжлалаа дээдэлсэн монгол. Та нарт таалагдахгүй байгаа бол эндээс зайлж болно.
2016-04-28
Зочин:
Новш гэж. Хэдэн он бэ? Мухар, муйхар зомби царайлсан баахан хүмүүсээр монгол орон маань дүүрэх гэж.
2016-04-28
Зочин:
Шашныг муулж болохгуй. Аль ч шашин адилхан л зорилготой байдаг. Хэт шутээд байвал тэр шашныхаа боол л болно доо
2016-04-28
зочин:
Буддын шашинтан болоод Христийн итгэгчдийн ялгаа их тод харагдах юм. ХРИСТИЙН ЗАН ҮЙЛ БОЛОХОД БУДДЫН ШАШИНТНУУД ТООЖ БАЙГАА Ч ЮМ АЛГА.КОММЕНТ БИЧИХ Ч ҮГҮЙ ЮМ.ТЭГЭХЭД ХРИСТИЙНХЭН бУДДЫН ШАШНЫ АЛИВАА АРГА ХЭМЖЭЭ БОЛОХОД Л БАЙЖ ЯДААД Л ЭЛДЭВ МУУ МУУХАЙ БУЗАР ҮГ ХЭЛЛЭГ ХЭРЭГЛЭЭД Л ДАЙРААД УНАХ ЮМ. ТАНАЙ ШАШИНД ЁС СУРТАХУУНЫ ТУХАЙ,НҮГЭЛ ХИЛЭНЦИЙН ТУХАЙ НОМЛОДОГГҮЙ ЮМ УУ. ЖААХАН УУЖУУХАН,ЁС ЗҮЙТЭЙ БАЙЖ БАЙЖ Л ОЛНЫ ДУНД НЭР ХҮНДТЭЙ БАЙНА БИЗ ДЭЭ.ИНГЭЭД ГУДАМЖНЫ ЁС ЗҮЙТЭЙ ГЭДГЭЭ АЛХАМ ТУТАМДАА НОТЛООД БАЙВАЛ ЯМАР ХҮН ТА НАРЫГ ХҮНДЛЭХ ВЭ ДЭЭ. АРЧААГҮЙ ХОГ ШААРНУУД Л ГЭНЭ БИЗ ДЭ.
2016-04-28
ddddddddddddd:
chi uheh geed hevtej bhdaa uurin erhgui burhan tengeriig duudaj aval ereh bolno
2016-04-28
unshigch:
munharsan omhii zombi bolson uhruud. ingeed l amgalan taivan boloh ium gene. shaaruud iag ingej munharch shar huvalzuuddaa shuluulj baihdaa taarsan zombinuud
2016-04-28
ddddddddddddd:
chi uheh geed hevtej bhdaa uurin erhgui burhan tengeriig duudaj aval ereh bolno
Хөх Монгол:
Яасан сайхан хэрэг вэ?
2016-04-28
Зочин:
Даанч улаан шуурга тавиад эхэлсэн юмаа
2016-04-28