УИХ-ын чуулганы нэгдсэн хуралдаан өглөө 09.00 цагт эхлэх товтой байна. Гэвч гишүүдийн ирц бүрдээгүйгээс одоо болтол чуулганы хуралдаан эхлээгүй байна.
Одоогоор УИХ-ын гишүүн Г.Уянгын удирддаг Тусгаар тогтнол эв нэгдлийн нам л бүрэн ирцтэй байна. Тус намын дарга Г.Уянга, түүний зөвлөх Л.Цог нар чуулганы танхимд аль хэдийнэ тухалжээ. Тэрбээр энэ тухай өөрийн твиттер хуудсанаа бичиж, бусад намуудыг ирцээ бүрдүүлэхийг шаарджээ.
Монголын ногоон намтай хамтран "Нэгдмэл Монгол" эвсэл байгуулан УИХ-ын 2016 оны сонгуульд оролцох эрхээ авсан тэрбээр парламентад шинэ намын салхийг сэвэлзүүлэхээр бэлтгэл ажлаа базааж буй.
В.Бат