УИХ-ын чуулганы нэгдсэн хуралдаан эхлээгүй байсаар үдээс өмнөх хуралдаан завсарлалаа. Өглөө 09.00 цагт эхлэхээр товлогдсон хурал гишүүдийн ирц бүрдээгүйгээс хүлээгдсээр байсан юм. Өнөөдрийн хуралдааныг УИХ-ын дэд дарга Р.Гончигдорж даргалж буй. Тэрбээр өглөөний 10.00 цагаас хойш МАН-ын гишүүдийг ирцэндээ орохыг гуйж, эцэстээ үдээс хойших хуралдаанд МАН-ын бүлгийг ядаж хоёр гишүүнээ ирцэнд оруулахыг шаардлаа.

АН-ын бүлгийн 30 гишүүн хуралдааны танхимд ирсэн. Тус бүлэг 34 гишүүнтэй бөгөөд хоёр гишүүн өвчтэй, УИХ-ын гишүүн ХХАНХ-ын сайд С.Эрдэнэ, Сангийн сайд Б.Болор нар гадаадад томилолттой байгаа юм. Мөн ИЗНН 100 хувийн ирцтэй байв.

Харин МАН-ын бүлгийн зарим гишүүн чуулганы танхимд ирсэн ч картаа уншуулж, ирцэндээ орсонгүй. 

Чуулганы үдээс хойших хуралдаан 14.00 цагт эхэлнэ. Хуралдаанд Ерөнхий сайд Ч.Сайханбилэг Засгийн газраас малчдын талаар авч хэрэгжүүлж буй арга хэмжээ, бодлогын талаар мэдээлэл хийх юм.

В.Бат