АНУ-ын Ерөнхийлөгчийн сонгуульд сөрөг хүчин Бүгд Найрамдахчуудыг тэргүүлэх тэрбумтан Дональд Трамп болон Ардчилсан намыг төлөөлөх Хилари Клинтон нар олон нийтийн сүлжээгээр хэрэлдсэн талаар "www.dailymail.co.uk" мэдээллээ. 

Уг маргааны өмнөхөн Ерөнхийлөгч Барак Обама, хатагтай Клинтоныг дэмжиж буйгаа илэрхийлсэн ажээ.

Тэрбээр Таныг гайхалтай сайн удирдагч болж чадна гэдэгт итгэлтэй байна. Энэ удаагийн сонгуулиар таныг дэмжин ажиллах болно" хэмээн хэлжээ. Обамаг ийнхүү хэлсэн дараа тэрбумтан эр твиттер хуудастаа "Обама худалч Клинтоныг дэмжиж буйгаа илэрхийллээ. Ингэснээр тэрээр өөрийн засаглалаа дахин дөрвөн жилээр сунгахыг хүсч байна. Обамагаас өөр хэн ч хүсэхгүй байгаа" гэж жиргэж, дургүйцлээ илэрхийлсэн аж.

Уг жиргээний хариуд хатагтай Клинтон "Аккаунтаа устга" гэж жиргэжээ. 

Б.Дэлгэрцэцэг