Өнгөрсөн оны арваннэгдүгээр сард АНУ-ын Техас мужийн Хьюстон хотноо хүндийн өргөлтийн насанд хүрэгчдийн Дэлхийн Аварга Шалгаруулах тэмцээн болсон. Тус тэмцээнд ОУХМ М.Анхцэцэг анх удаа оролцож, огцом өргөлтөөр 112 кг өргөж, IV байрт шалгарч байсан билээ.
Тус тэмцээнээс хүрэл медаль хүртсэн Грекийн тамирчин А.Ефтикиа саяхан авсан сэргээшийн шинжилгээнд бүдэрч, медалиа хураалгасан байна. Улмаар манай тамирчин М.Анхцэцэгийн байр урагшилж Дэлхийн аварга шалгаруулах тэмцээний хүрэл медальтан болжээ.
Тэрбээр ийнхүү дэлхийн аваргын медаль хүртсэн анхны Монгол тамирчин болж, түүхэн амжилтын эзэн боллоо. Мөн тэрбээр “Рио-2016” олимпийн эрх аваад буй юм.
Г.Тэгшсүрэн
Уншиж байна |