Туркийн Ерөнхийлөгч Режеп Тайип Эрдоган албан ёсоор ОХУ-ын “Су 24” сөнөөгч онгоцны ахмад Олег Пешковын үхэлд харамсч буйгаа илэрхийлэн, эмгэнэл илэрхийлсэн билээ. Тэрбээр мөн амиа алдсан нисгэгчийн гэр бүлд нөхөн төлбөр өгөхөө мэдэгдсэн юм.
Уг үйл явдлын дараа ОХУ-ын Ерөнхийлөгч В.Путин, Туркийн Ерөнхийлөгч Эрдоган нар утсаар ярилцаж, тун удахгүй уулзахаар тохиролцсон билээ. Удирдагчид зургаан сарын дараа утсаар ярилцсан болохыг Кремлийн хэвлэлийн албанаас онцолсон юм.
Ярианы төгсгөлд Путин, Туркийн эсрэг хэрэгжүүлж буй зарим хоригоо цуцалж буйгаа илэрхийлсэн билээ. “Су 24” онгоцны сүйрлийн дараа Путин тус улсын эсрэг хэд хэдэн салбарт хориг тавьсан юм.
Тэгвэл эхний ээлжинд Путин хоёр улсын хоорондох нислэг үйлдэхийг зөвшөөрч, хоригоо цуцалжээ. Өнөөдрөөс эхлэн хоёр улсын онгоцууд саадгүйгээр нэвтрэх боломжтой боллоо. Мөн ОХУ-ын иргэдийг Турк руу аялахыг зөвшөөрч, хоригт багтаад байсан Туркийн аялал жуучлалын байгууллагуудын үйл ажиллагааг хэвийн болгосон байна.
Б.Дэлгэрцэцэг
Уншиж байна |