МУГЖ дуучин С.Жавхлан УИХ-ын сонгуульд Баянзүрх дүүрэгт бие даан нэр дэвшиж, ялалт байгуулсан билээ. Сонгуулийн төв байгууллагаас УИХ-ын гишүүний түр үнэмлэхээ гардан авахдаа С.Жавхлан "энэ 76-д монгол дээл өмсгөж сургана" хэмээн ярьж байсан.
Тэгвэл өнөөдөр анхдугаар хуралдаанд тангараг өргөж, УИХ-ын гишүүн болох тэрбээр 99 морьтон дагуулан Төрийн ордон руу айсуй яваа гэнэ. Энэ талаар түүний найз, найруулагч Д.Галбаяр цахим хуудсанаа бичжээ. Д.Галбаяр "Монгол эр хүн Морио унаад Монгол төрдөө тангараг өргөхөөр айсуй. 99 морьтон сүрдэм харагдаж байна шүү. За тэгээд яриад бай. Яриад бай. Шоучин гэвэл яадгын бэ!!! Монгол шоучин л Монголоороо шоудаж байгаа биз" хэмээн найзыгаа дэмжжээ.
В.Бат
Уншиж байна |