УИХ-ын чуулганы нэгдсэн хуралдаанаар Хуульзүй, дотоод хэргийн сайдаар С.Бямбацогтыг томилох асуудлыг хэлэлцэв. Хуульзүйн сайдад нэр дэвшигчид хандан гишүүнд үг хэлсэн юм.
УИХ-ын гишүүн О.Баасанхүү:
-Хуулийн байгууллагыг улстөржүүлдгийг болих хэрэгтэй. АТГ-ыг татан буулга. Эр зоригтой ажиллаарай. Төрийн өмчийг үнэгүйдүүлсэн, алга болгосон асуудал байвал шударгаар шийдэх хэрэгтэй. Жагсаал цуглаан чөлөөтэй хийх боломж олгоорой.
УИХ-ын гишүүн Д.Лүндээжанцан:
-Гадаад орнуудад сайд нарын түвшингийн асуудлаар 3 зүйлийг ярьдаг юм билээ. Хатуужиж, тохи суугаад мэдлэг боловсролтой хүмүүс Засгийн газарт шууд ажилладаг. С.Бямбацогт Хуульзүйн байнгын хороонд олон жил ажилласан. Хуулийн салбарт ажилласан, олон хуулиудын гэдэс, дотрыг мэдэх хүн. Хуулийг хэрэгжүүлдэг 4 жил байх ёстой шүү. Энэ хүнд ачааг итгэл даагаад авч явж чадах хүн бол С.Бямбацогт мөн.
УИХ-ын гишүүн Д.Цогтбаатар:
-Бизнесийн эрх зүйн орчныг сайжруулах хэрэгтэй. Энэ хямрал бизнесүүд муу ажилласандаа биш хууль эрх зүйн орчин бүрдээгүйд байгаа юм. Эрхзүйн орчныг нь бүрдүүлж өгөхгүйгээр сайжирна гэж байхгүй.
Гишүүд үг хэлсний дараа санал хураалт явуулав. Хуралдаанд оролцсон гишүүдийн олонхийн саналаар Хуульзүй, дотоод хэргийн сайдаар С.Бямбацогтыг томилов.
Чуулганы хуралдаан үргэлжилж байна.
Н.Энх
Уншиж байна |