БНХАУ-ын Ханжоу хотноо энэ сарын 5-6 өдрүүдэд “Их 20” дээд хэмжээний уулзалт амжилттай зохион байгуулагдсан билээ. Бээжин уг уулзалтад ихээхэн ач холбогдол өгч зөвхөн хамгаалалтад 50 мянган цэрэг, цагдааг дайчилсан юм. Тэгвэл барууны хэвлэлүүд “Их 20” уулзалтын үеэр хамгаалалтад гарсан БНХАУ-ын ардын армийн цэрэг Ши Хун гэх бүсгүйг онцлох болсон талаар “www.dailymail.co.uk” мэдээллээ.
Ши Хун Италийн Ерөнхий сайд Маттео Рензигийн хамгаалалтад гарчээ. Түүнийг хэвлэлийнхэн “Их 20”-ийн гоо бүсгүй гэсэн байна. Интернэт хэрэглэгчид Хуныг “Цэрэг бус кино жүжигчин эсвэл модель байх ёстой. Хэтэрхий царайлаг эмэгтэй армид элссэн байна” хэмээн сэтгэгдлээ бичих болжээ.
Хэвлэл болон интернэтээр од болоод буй Хуны гэр бүл армийн хүмүүс бөгөөд тэрбээр долоон настайгаасаа тулааны урлагаар хичээлсэн байна. Тэрбээр 1990-ээд онд төрсөн бөгөөд 2012 онд Ардын армийн дууны уралдаанд орж, тэргүүн байрыг эзэлжээ.
Б.Дэлгэрцэцэг
Уншиж байна |