Хойд Солонгос улсад тусалсан БНХАУ-ын иргэнийг баривчилсан талаар “www.dailymail.co.uk” мэдээллээ. Хятадын Дандон хотноо үйл ажиллагаагаа явуулдаг “The Hongxiang” группийн үүсгэн байгуулагч, ерөнхий захирал Ма Хиаохонг гэгчийг баривчилжээ. Тэрбээр өнгөрсөн онооос Пхеньяны нөлөө бүхий эрхмүүдтэй холбоо тогтоож, цөмийн зэвсэг болон баллистик пуужин үйлдвэрлэхэд шаардлагатай бараа бүтээгдэхүүнийг нийлүүлдэг байсныг тогтоогоод байна.

Хатагтай Ма НҮБ-ын хоригт багтаад буй барааг Пхеньянд нийлүүлснээр ойролцоогоор 500 сая ам.долларын ашиг олжээ. Цагдаагийнхан эмэгтэйн компани болон гэрийг битүүмжилжээ.

Пхеньян өнгөрсөн нэгдүгээр сард цөмийн туршилт хийсний дараа НҮБ тус улсад цөмийн зэвсэг, баллистик пуужин үйлдвэрлэхэд шаардлагатай бүх төрлийн бараа бүтээгдэхүүн нийлүүлэхийг хатуу хориглосон билээ. Хэрвээ тус улсад тусламж үзүүлсэн улс, компани, хувь хүнийг НҮБ-ын хоригт багтааж, бүх дансыг царцаахаа мэдэгдсэн юм.

Б.Дэлгэрцэцэг