ТЕГ-ын Тусгай архив 2012 онд тохиох 80 жилийнхээ ойг угтаж өөрийн сан хөмрөгт хадгалагдаж байгаа Монгол Улсын болон тагнуулын байгууллагын түүхэнд холбогдох сонирхолтой баримтаас бүрэн эхээр нь “Баримт” нэртэй сэтгүүл болгон хэвлэн нийтэлж байна. Бидний эмхэтгэн гаргаж байгаа энэхүү бичил сэтгүүл нь Тусгай архивын баримт материалыг дотоодын судалгааны эргэлтэнд оруулах, байгууллагын уламжлал, түүхэн замналыг залуу ажилтнуудад таниулан мэдүүлэх зорилготой юм.