Эрүүл мэндийн яамны Төрийн нарийн бичгийн дарга Д.Очирбат Монгол бахархлын өдрөөр СТА, жүжигчин Г.Ундармааг хүлээн авч уулзан, Нийгмийн сайн сайханы төлөө сэтгэл зүрхээ зориулж гэрэл гэгээтэй санаачлага гарган “ИТГЭЛИЙН ТАНХИМ”  төслөө амжилттай хэрэгжүүлсэнийг нь үнэлэн талархал илэрхийлэн, ЭМЯ-ны Хүндэт өргөмжлөлийг гардуулжээ. 

Жүжигчин Г.Ундармаагийн хувьд өөрийн орлогын 30 хувийг “Итгэлийн танхим” төслийг санхүүжүүлэхэд зориулдаг гэдгээ хэллээ. Тэрбээр “Өргөө амаржих газар” Улсын нэгдүгээр төв эмнэлэг” “Эх хүүхдийн эрүүл мэндийн үндэсний төв” , “СХД-ийн Эрүүл мэндийн төв”, “ХУД-ийн Эрүүл мэндийн төв” - үүдэд хүлээлгийн танхим , үйлчлүүлэгчийн өрөө, хүүхдийн тоглоомын өрөө, ариун цэврийн өрөө зэргийг тохижуулж өгчээ.

Тэрбээр өөрийнх нь хийж хэрэгжүүлж буй ажлыг үнэлсэнд ЭМЯ-ны Төрийн нарийн бичгийн дарга Д.Очирбат болон яамны удирдлагуудад талархснаа илэрхийлсэн юм.

Энэ үеэр Төрийн нарийн бичгийн дарга Д.Очирбат яамны зүгээс эрүүл мэндийн чиглэлээр хийж хэрэгжүүлж байгаа төсөл хөтөлбөрүүдэд хамтарч ажиллахад нээлттэй гэдгээ илэрхийлж, салбартаа тулгамдаж байгаа асуудлыг хувь хүн болон албан байгууллагуудтай хамтран шийдвэрлэхэд таатай байгаагаа дуулгасан байна.