УИХ-ын чуулганы нэгдсэн хуралдаанаар 2017 оны нийгэм, эдийн засгийн үндсэн чиглэлийг хэлэлцлээ. Хэлэлцэж байгаа асуудалтай холбогдуулан гишүүд саналаа хэлсэн юм. УИХ-ын гишүүн н.Раднаасэд:
-Үндсэн чиглэлийн төслийг харж байхад хөнжлийнхөө хэрээр хөлөө жийнэ гэгчээр боловсруулжээ. Тогтворжуулна, барина гэсэн өгүүлбэрүүд байна. Аймгуудыг Улаанбаатар хоттой хатуу хучилттай замаар бүхэлд нь холбоход цөөнхөн км зам үлдээд байгаа. Гэтэл сум хооронд хатуу хучилттай замаар холбохоор ярьж байна. Үүний оронд эхлээд аймгуудаа Улаанбаатар хоттой хатуу хучилттай замаар холбох нь зөв. Өмнөх Засгийн алдаа оноог нь харж, зөв зүйлийг нь үргэлжлүүлэх хөгжүүлэх хэрэгтэй. Мөн хил рүү чиглэсэн дэд бүтцээ хөгжүүл.
УИХ-ын гишүүн А.Сүхбат:
-Автозам гэдэг Монгол Улсын төсвийг идэх шиг болж байна. Хоёр жил болоод замаа засдаг, сольдог. Автозамын стандарт байдаг бол түүнийгээ баримаар байна. Япон, Хятадууд сайн чанарын зам барих юм. Зам тээврийн салбарынхан автозамын стандартаа барьж ажиллаач ээ.
Ийнхүү гишүүд үг хэлсний дараа санал хураалт явуулав. Гишүүдийн олонхийн саналаар 2017 орны нийгэм, эдийн засгийн үндсэн чиглэлийг хэлэлцэхийг дэмжив. Тиймээс анхны хэлэлцүүлэгт бэлтгүүлэхээр байнгын хороонд шилжүүллээ.
Дараагаар нь 2017 оны улсын төсвийн дагалдах хуулийн төслүүдийг хэлэлцэж эхэллээ. Энэ асуудлыг хэлэлцэж дуустал УИХ-ын чуулганы хуралдааныг цагийг сунгав.
Н.Энх
Уншиж байна |