УИХ-ын гишүүн С.Жавхлан мэдээлэл хийлээ. Тэрбээр мэдээлэлдээ “Эрдэнэтийн асуудал олны бухимдлыг төрүүлж байна. Тиймээс МҮОНТ-ийн нэвтрүүлэгт холбогдох хүмүүс оролцож нээлттэй хэлэлцэх хийх хэрэгтэй байна.
МҮОНТ-ийн Монголын мэдээ агентлагийн захирал С.Батцэнгэлд энэ талаар миний бие хүсэлт явуулахад холбогдох хүмүүс бүгд оролцоно гэвэл бид хүлээж авахад бэлэн байна гэсэн. Гэтэл С.Батцэнгэл ажлаасаа халагдсан. Тиймээс МҮОНТ-ийн захирал С.Оюундарьд энэ сарын 18-ны 21.00 цагаас “ММ” сувгийн “Нээлттэй хэлэлцүүлэгт“ нэвтрүүлэгт “Эрдэнэт”-ийн асуудлаар нэвтрүүлж өгөх хүсэлт явууллаа. Энэ нэвтрүүлэгт Монгол Улсын Ерөнхийлөгч Ц.Элбэгдорж, УИХ-ын дарга М.Энхболд, УИХ-ын дэд дарга Ц.Нямдорж, Ерөнхий сайд Ж.Эрдэнэбат нарыг энэ нэвтрүүлэгт оролцох урилгыг илгээж, болзоонд урьж байна” хэмээн мэдээлэв.
Н.Энх