Куба улсын удирдагч асан Фидель Кастро энэ сарын 25-ны өдөр 90 насандаа таалал төгссөн билээ. Кастрог таалал төгссөнтэй холбогдуулан удирдагчид эмгэнэл илэрхийлсээр байна.

Тэгвэл Хойд Солонгосын нийслэл Пхеньян хотноо байрлах Кубын элчин сайдын яаманд удирдагч Ким Чен Ун айлчилж, эмгэнэл илэрхийлсэн талаар “www.yonhapnews.co.kr” мэдээллээ.

Тэрбээр Кастрогийн зургийн өмнө цэцэг тавьж, нэг минут дуугаа хураан зогссон талаар албаныхан уламжлав.

Хоёр улс 1960 онд дипломат харилцаа тогтоосон юм. Кастро 1986 оны гуравдугаар сард Пхеньян хотноо төрийн айлчлал хийж,  Хойд Солонгос улсыг үндэслэгч Ким Ил Сунгтай уулзаж байжээ.

Б.Дэлгэрцэцэг