Хөгжлийн банкнаас зээл авсан компаниудын нэр ил болж, багагүй асуудал үүсгээд байна. Зээл авсан компаниудын дунд Хуульзүй, дотоод хэргийн сайдынх нь ч компани байна хэмээн УИХ-ын гишүүн Л.Болд чуулганы хуралдаанд хэлсэн. Энэ талаар Хуульзүй, дотоод хэргийн сайд С.Бямбацогт тайлбар хийв.
Хуульзүй, дотоод хэргийн сайд С.Бямбацогт: Хөгжлийн банкнаас Бямбацогт миний бие болон миний гэр бүлийн гишүүд, хувь эзэмшдэг компаниуд нэг ч төгрөгийн зээл аваагүй. 2015 онд энэ асуудал яригдаж эхэлсэн. Тэр үед би АТГ, нийслэлийн прокурор, Хөгжлийн банкинд хандаж, надтай холбоотой зээл, албан тушаалаа буруугаар ашигласан явдал байна уу гэдгийг шалгуулахаар хандаж, өөрийгөө шалгуулсан. Хөгжлийн банк надтай холбоотой ямар ч зээл байхгүй гэдгийг бичгээр мэдэгдсэн. АТГ, нийслэлийн прокуророос ч хууль зөрчөөгүй учраас хэрэг үүсгэх боломжгүй гэдгээ албан ёсоор мэдэгдсэн. Асуудалтай байсан бол сөрөг хүчний бүлгийн дарга байхад эрх баригчид шонд өлгөөд, шоронд оруулчих байсан. Асуудал байхгүй гэдгээ албан ёсоор хэлж байна.
В.Бат
Уншиж байна |