Тайландын Бангкок хотноо 2016 оны бодибилдинг, фитнессийн ДАШТ үргэлжилж байна. Уг тэмцээнд манай улсын 16 тамирчин, нэг олон улсын шүүгч оролцож буй юм.

Тэмцээний эмэгтэй модель ангилалд /Women's Fitness Physique up to 160cm/  оролцсон манай тамирчин А.Ичинноров алтан медаль хүртэж дэлхийн аварга цолтон боллоо.  Мөн эмэгтэйчүүдийн фитнесс ангилалд оролцсон тамирчин Б.Бадамсүрэн хүрэл медаль хүртээд байна.

Энэ удаагийн ДАШТ-д 59 орны 600 гаруй тамирчин бие бялдар, ур чадвараарөө өрсөлдөж байна. Тэмцээн энэ сарын 5-ныг хүртэл үргэлжилнэ.

Г.Тэгшсүрэн