Улаанбаатар
Жирэмсэн эмэгтэйчүүд хэрхэн зөв зохистой хооллох вэ
2017-1-22

"Жирэмсэн эмэгтэйчүүд зөв зохистой хооллосноор цус багадалт, жирэмсний хордлого, төрөлтийн хүндрэлээс сэргийлнэ. Мөн жирэмсний явц, хэвлий дэх хүүхдийн хэвийн өсөлт хөгжил, төрөлт хэвийн явахад нөлөөлж, хөхний сүүний гарц сайн болох, төрсний дараах үед эрүүл байх нөхцлийг бүрдүүлэх олон талын ач холбогдолтой" хэмээн Чимгээ эмч зөвлөж байна. Тэрбээр Чимгээ Мишигдорж цахим хуудсандаа дараах зөвлөгөөг хүргэжээ. 

 

Жирэмсэн үед тэжээлийн бодисуудын ач холбогдол

 

Уураг: уураг нь бүх эд эсийг бүрдүүлж бодисын солилцоонд оролцоно. Жирэмсний үед уураг үүсэх үйл ажиллагаа багассан байдаг. Иймээс жирэмсэн эмэгтэйн хоолонд уураг, түүний дотор үл орлогдох амин хүчлийн хэрэгцээ ихэсдэг. Амьтны гаралтай уураг хүний бие махбодын уургийн бүтэцтэй ойролцоо бөгөөд амьтын гаралтай уургийн шингэц өндөр байдаг тул жирэмсэн эмэгтэйн уургийн өндөр хэрэгцээнд амьтны гаралтай уураг чухал юм.

 

Хүний биед өндөгний уураг 100%, сүүний уураг 96%, махны уураг 75%, загасны уураг 80% шингэдэг. Жирэмсэн эмэгтэйчүүдийн хоногийн хоолны уургийн хагас хувь нь амьтны гаралтай уураг байх хэрэгтэй гэж үздэг. Жирэмсний эхний хагаст хоногт 76гр уураг хэрэгтэй байдаг бөгөөд үүний 36-40гр-ийг амьтны гаралтай бүтээгдэхүүнээс авна /сүү, тараг, өндөг, мах/. Үлдсэн 35гр уургийг төмс ногоо, үр тарианы бүтээгдэхүүн, шош вандуй зэрэг ургамлын гаралтай бүтээгдэхүүнээс авна.

 

Жирэмсний сүүлийн 10 долоо хоногт урагт уургийн хэрэгцээ нэмэгддэг учраас жирэмсэн эмэгтэй хоолоороо хангалттай уураг авахгүй бол өөрөө уургийн дутагдалд орж хүүхэд жин багатай төрөхөд хүрнэ. Нэмэгдэж хэрэглэгдэх уургийг исгэлэн сүүн бүтээгдэхүүн тараг, ээдэм, аарц зэргээс авна. Хоолоор орсон илүүдэл уургийг жирэмсэн эх дутуу боловсруулснаас үүссэн хоронд хордох, хүүхдийн дархлаа муудах зэрэг сөрөг нөлөө гардаг учраас уургийг зохих хэмжээгээр хэрэглэх ёстой.

 

Тос: Жирэмсэн эмэгтэй өөх тостой хоол их идэж тосны хэрэглээг хэтрүүлбэл хоолны дуршил буурах, цөс төлжилт муудах, тос эцсийн бүтээгдэхүүн болтлоо задарч чадахгүй бие махбодод хорт бодис хуримтлагдахад хүрнэ. Тиймээс амархан шингэх цөцгийн тос, цөцгий, бяслаг, ургамлын тосноос олив хэрэглэнэ. Омега-3,6 тосны хүчлүүд үрэвсэл дарах, дархлаа сайжруулах, хүүхэд төрөх үед өвдөлтийг зохицуулах үүрэгтэйгээс гадна эсийн хөгжилд чухал үүрэгтэй. Омега-3 тосны хүчил нь хэвлий дэх ургийн нүд, мэдрэл, тархины хөгжилд чухал үүрэгтэй. Иймээс жирэмсэн үед омега-3 тосны хүчлийн хэрэгцээ өндөр байх ба ялангуяа жирэмсний сүүлийн 3 сард ургийн тархи, нүдний торлогийг бүрэн гүйцэд хөгжүүлэхэд омега-3 тосны хүчил ихээр агуулсан хүнс хэрэглэх хэрэгтэй. Хоолоор хангалттай хэмжээгээр аваагүй тохиолдолд урагт шаардлагатай уг тосны хэрэгцээг эхийн бие дэх нөөцөөр хангаснаас эхийн биед омега-3 дутагдаж дутуу төрөх, гадна тохиромжгүй нөлөөнд тэсвэрлэх чадвар муудах, амархан стресст орох зэрэг хүндрэлүүд үүснэ. Омега-3 тосны хүчил балмад, сардин, хулд, май, тулбага, туна загас, тэдгээрийн тос, бэлчээрийн малын мах, сүү, сүүн бүтээгдэхүүнд ихээр агуулагддаг. Мөн маалингын тосонд их байдаг.

 

Нүүрс ус: хоногт хэрэгцээтэй илчлэгийн 50-70%-ийг нүүрс усаар хангадаг. Нүүрс ус дотроос энгийн сахар агуулсан хүнсний зүйл: чихэр, нарийн боов, бялуу зэрэг өндөр илчлэгтэй бүтээгдэхүүнийг хэтрүүлснээс биеийн эсэргүүцэл суларч харшил болж, биед шингэн их хуримтлах, эхийн болон ургийн жин хэт нэмэгдэх сөрөг талтай. Тйимээс жирэмсэн эмэгтэйчүүд нийлмэл нүүрс ус агуулсан хүнсийг хэрэглэх нь зүйтэй. Энэ нь үр тариа, гурил, ногоо, жимсэнд элбэг байдаг.

 

Эрдэс бодис: Яс мэдрэлийн тогтолцоог бүрдүүлэхэд онц чухал шаардлагатай кальци, фосфорын хэрэгцээ ихэснэ. Кальци нь яс, шүд, мэдрэл, булчингийн үйл ажиллагаанд хэрэгтэй. Кальци нь ээдэм, бяслаг, сүү, талх, байцаа, төмс, зарим загас, хатаасан инжир, кальцаар баяжуулсан бүтээгдэхүүнүүд, шош, улаан вандуй, гүн ногоон өнгийн навчны ногоо: сэрэвгэнэ, савой байцаа, кимчиний байцаа, ногоон цэцэгт байцаанд элбэг байна.

 

Жирэмсэн эмэгтэйчүүд төмрийн шимэгдэлт сайжруулах С амин дэмтэй хүнс, исгэлэн сүүн бүтээгдэхүүн түлхүү хэрэглэх шаардлагатай. Төмрийн шимэгдэлтийг бууруулдаг цай, кофений хэрэглээг багасгах мөн хар гурилан бүтээгдэхүүн төмрийн шимэгдэлтийг бууруулдаг тул хэтрүүлэн хэрэглэхгүй байх хэрэгтэй. Жирэмсэн эмэгтэйд нэгэн чухал шаардлагатай бичил элемент бол иод юм. Иод дутвал хүүхэд дутуу төрөх, оюун ухааны хомсдолтой төрөх аюултай. Иодын дутлаас сэргийлэхийн тулд иоджуулсан давс, иод ихээр агуулдаг далайн загас, далайн байцааг хүнсэндээ хэрэглэх шаардлагатай.

Shuud.mn
Сонин хачин
Хямралын эсрэг хамтдаа:
httpCash4Visits.comref.php?refId=344474 энэ линкээр нэвтэрч ороод Register now дарж бүртгүүлсэнээр 2 таны дансанд орох бөгөөд цаашид таны линкээр зочилсон хүний тоогоор 0,5 нэмэгдэж орох болно. Хамгийн багадаа 30 хүрэхэд та мөнгөө авах эрхтэй болох бөгөөд тус веб сайтаас олон улсын карт бэлэглэх бөгөөд Голомтбанк болон Капитрон банк ашиглан мөнгөө авах боломжтой. Одоогоор тус сайтад 380000 гаруй мянган гишүүн бүртгэлтэй байгаа бөгөөд өдөртөө 5-30 доллар сардаа 150-900 долларын цалинтай ажиллаж байна. Интернет хандалтын тоогоор тус сайтад интернетийн компаниуд мөнгө төлдөг бөгөөд хичээнгүйгээр линкэн дээрээ хүн элсүүлээд хийгээд үз. Харин үр дүнг гагцхүү та л гаргаж чадна. Мянга сонсохоор нэг үз гэдэг, линкээр ороод үзээрэй. Таниас элдэв бусын нэмэлт зүйл шаардахгүй. Маш амархан шүү. Амжилт.
2017-01-22