Иракийн хэт даврагч “Халифын вант улс” бүлэглэлд элссэн өсвөр насны хүү террорист халдлага үйлдэж, олон хүнийг хөнөөсөн талаар  “www.dailymail.co.uk” сайт мэдээллээ.

Халдлага үйлдсэн хүү 14 настай бөгөөд тэрбээр халдлага үйлдэх үеийн бүхий л агшинаа видео хальснаа буулгажээ.

Хүү Иракийн чөлөөлөх армийнханд алдаад буй Мосул хотын төвд их хэмжээний тэсрэх бөмбөг ачсан суудлын тэргийг дэлбэлсэн байна.  Уг халдлагаар 10 орчим хүн амиа алдсан бөгөөд одоогоор тус бүлэглэл халдлагатай холбоотой албан ёсны мэдэгдэл хийгээгүй байгаа юм. Тэрбээр халдлагын дараа “Бидний сүр хүч хэзээ ч сулрахгүй” гэж хэлжээ.

Армийнхан хотын зүүн хэсгийг эзэлсэн бөгөөд “энэ сардаа багтаан хотыг 100 хувь чөлөөлнө” хэмээн тус улсын Ерөнхий сайд Хайдар аль Абади мэдэгдсэн байна.  Ойролцоогоор 100 мянга орчим хүн бүслэлтэд амьдарч буй юм.

Б.Дэлгэрцэцэг