Дональд Трампийг АНУ-ын Ерөнхийлөгчийн тангараг өргөхтэй зэрэгцэн Нью Йорк хотноо түүнийг өөрийн хүсэлтээр огцрохыг шаардан олон мянган иргэн жагсаал зохион байгуулсан билээ.

Уг жагсаалыг попын хатан хаан Мадонна тэргүүлсэн юм.

Тэрбээр шинэхэн Ерөнхийлөгчөө нэн даруй огцрохгүй бол “Цагаан ордныг дэлбэлнэ” хэмээн мэдэгджээ. Тус улсын Холбооны мөрдөх товчоо дуучны мэдэгдлийг шалгахаа мэдэгдэж, иргэдийг өдөөн турхирахгүй байхыг түүнд уриалсан юм. Холбооныхон өөрийг нь мөрдөж эхэлсэнтэй холбогдуулсан дуучин эмэгтэй твиттер хуудастаа “Би санамсаргүйгээр Цагаан ордныг дэлбэлнэ хэмээн хэлсэн” гэж жиргэжээ.

Тэгвэл Трамп төрийн тэргүүний хувиарх хоёр дахь ярилцлагаа “Фокс” сувагт өгсөн талаар “www.dailymail.co.uk” сайт мэдээллээ.

Трамп ярилцлагынхаа эхэнд өөрийг нь эсэргүүцэж буй Мадоннагийн талаар ярьсан байна.

“Би түүнийг ойлгохгүй байна. Тэр намайг бус өөрийгөө эрсдэлд оруулж байна. Түүний мэдэгдэл асар хор нөлөөтэй гэдгийг энэ эмэгтэй ухамсарлахгүй байна. Мадонна өөрийгөө хянаж чадахгүй байна” хэмээн Трамп хэлжээ.

Б.Дэлгэрцэцэг