Хэдхэн хоногийн өмнө ОХУ-ын Буриадын улсын тэргүүн Вячеслав Наговицын өөрийн хүсэлтээр албан тушаалаасаа огцорсон билээ. Тэрбээр огцорч буй шалтгаанаа олон нийтэд “Би хоёр удаа бүрэн эрхийнхээ хугацааг гүйцээсэн. Гуравдахь удаагаа дахин сонгогдох боломжтой боловч нөхцөл байдлыг харахад Бүгд Найрамдах Буриад улсад өөрчлөлт хэрэгтэй гэсэн байр суурь байгаа нь анзаарагдаж байна” гэж мэдэгджээ.  Түүний бүрэн эрхийн хугацаа ирэх тавдугаар сарын 15-ны өдөр дуусах байсан юм.

Уг хүсэлтийг ОХУ-ын Ерөнхийлөгч В.Путин хүлээн авч, Буриадын тэргүүний үүрэг гүйцэтгэгчээр Алексей Цыденовыг томилсон билээ. Алексей Цыденов өчигдөр Засгийн газраа огцруулсан талаар “TASS” агентлаг мэдээлэв.  

Гэхдээ дараагийн сайд томилогдтол Засгийн газрын гишүүд үүрэг гүйцэтгэгчээр ажиллахыг Алексей Цыденов онцолжээ.

Б.Дэлгэрцэцэг