Г.Цагаандарь гэх нэгэн эмэгтэй хоёр охины хамт амьдрах газаргүй болж Толгойт өртөөнд хоног төөрүүлж байсан. Түүнд туслах хандивын аяныг “Итгэл сэтгэлийн гүүр” ТББ-ын тэргүүн Ц.Сувд-Эрдэнэ эхлүүлсэн билээ.

Хандивын аяны хүрээнд 17 сая төгрөг цугларсан бөгөөд уг мөнгөний 13 саяар нь байшин худалдан авсан байна. Одоогоор байшингийн дотор заслын ажлыг гүйцэтгэж байгаа бөгөөд удахгүй Г.Цагаандарьт түлхүүрийг нь хүлээлгэн өгөх ажээ.

Байшингийн заслын ажилд ХСИС- ийн 107-р цагдаа дамжааны сонсогчид болон олон сайхан сэтгэлт хүмүүс тусалж буй юм байна.

Г.Тэгшсүрэн