Хойд Солонгосоос ирэх цөмийн заналхийллийг таслан зогсоох үүрэгтэй АНУ-ын “Мичиган” нэртэй цөмийн шумбагч онгоц өнгөрсөн долоо хоногт Өмнөд Солонгосын Бусан хотноо ирсэн юм.

“Мичиган” хөлөг ямар нэгэн байлдааны ажиллагаанд оролцохгүй. Зөвхөн Пхеньянд сануулга өгөх зорилгоор Бусан хотноо ирсэн” хэмээн Пентагон мэдээлсэн билээ.

Тэгвэл Вашингтоныг нэн даруй Бусан хотноо ирээд буй “Мичиган” хөлгөө эргүүлэн татахгүй бол уг хөлгийг устгах болно хэмээн Хойд Солонгосын эрх баригчид мэдэгдсэн байна.

“Уг хөлөг Солонгосын хойгийн хямралыг улам нэмэгдүүлж байна” хэмээн Пхеньян үзжээ.

“Мичиган” хөлгөөс өмнө нь Карл Винсон болон дагалдах хөлгүүд цэргийн сургуулилтад оролцохоор Японы тэнгист ирсэн юм.

Б.Дэлгэрцэцэг