АНУ-ын Техас мужийн Даллас хотын цагдаагийнхан өнгөт арьстай Жордан Эдвардс гэх 15 настай хүүгийн аминд хүрсэн талаар “www.dailymail.co.uk” сайт мэдээллээ. Уг үйл явдлын дараа Даллас хотын Цагдаагийн байрны гадна олон мянган өнгөт арьстнуудын эсэргүүцлийн жагсаал зохион байгуулжээ.
Хүү хотын захын хороолол орчимд машин дотроо байхад цагдаагийнхан гал нээсэн аж. Жордан ямар ч зэвсэггүй байсан талаар гэрчүүд өгүүлжээ.
Жагсагчид хүүгийн аминд хүрсэн цагдаагийн ажилчдыг нийтэд ил болохыг шаардаж, ямар шалтгааны улмаас гал нээснээ тайлбарлахыг хүссэн аж.
Өнгөрөгч 2014 онд Фергюсон хотын иргэн Майкл Браун гэх өнгөт арьстай хүүг цагдаагийнхан буудсан билээ. энэхүү үйл явдлын дараа АНУ-ын 20 гаруй хотод эсэргүүцлийн жагсаал зохион байгуулагдсан юм.
Б.Дэлгэрцэцэг
Уншиж байна |