Баянгол дүүргийн 20-р хороо Үйлдвэрийн тойрууд буюу Гурвалжингийн гүүрний баруун талын “Сод Монгол” ШТС-ын ард байрлах хөөсөнцөрийн үйлдвэрт өнөөдөр 12.00 цагийн орчимд гал гарсан.
Нийслэлийн онцгой байдлын газарт 12.02 цагийн орчимд “Гурвалжингийн гүүрний урд хөөсөнцөр, сэндвич шатаж байна” гэсэн дуудлага иржээ. Дуудлагын дагуу гал түймэр унтраах аврах 3 ангийн ээлжийн бүрэлдэхүүн шуурхай ажиллаж тархалтыг зогсоолоо. Одоогийн байдлаар бүрэн унтраахаар ажиллаж байна.
Гал түймрийн улмаас бэртсэн гэмтсэн хүн байхгүй болохыг албаныхан мэдээллээ. Галын шалтгааныг одоогоор тогтоогоогүй бөгөөд гал гарах үед хөөсөнцөрийн үйлдвэрийн ойр орчимд байсан иргэд үйлдвэрлэлийн үйл ажиллагааны зөрчил байж магадгүй гэдэг тайлбарыг хэлж байна.
Хөөсөнцөрийн үйлдвэрт гал гарсан тохиолдолд шаталт хурдан бөгөөд галыг унтраахад хүндрэлтэй байдал үүсдэг тухай албаныхан хэлсэн.
Г.Тэгшсүрэн
Уншиж байна |