Их Британийн угсаа залгамжлах ханхүү Уилъямын гэргий Кейт Миддлтоны төрсөн дүү Пиппа Миддлтон өчигдөр хуримаа хийсэн билээ. Гүнжийн дүү Пиппа болон тэрбумтан Жеймс Маттевс нар Лондон хотноо байрлах сүмд хуримаа хийжээ.
Хуримын ёслолд ханхүү Уилъям гэр бүлийнхээ хамтаар оролцсон бол ханхүү Харри найз бүсгүй, жүжигчин Меган Марклигийн хамтаар оролцсон нь олны анхаарлыг татжээ. Хос тангарагаа өргөж, сүйн бөгжөө солилцсоны дараа сүмээс гарцгаасан аж. Тэднийг сүмээс гарахад хүүхдүүд хосын замыг цэцэг цацаж байжээ.
Уг арга хэмжээнд бяцхан ханхүү Жорж болон түүний дүү, гүнж Шарлотте оролцсон байна. Энэхүү арга хэмжээний дараа ханхүү Жорж ээж Кейт Миддлтонд загнуулсан талаар “www.dailymail.co.uk” сайт мэдээллээ.
Ханхүү ээждээ загнуулаад уйлж буй зургийг хэвлэлийнхэн авч чаджээ.
Б.Дэлгэрцэцэг
Уншиж байна |