Монголын үндэсний бөхийн холбооны цэцдийн зөвлөлөөс ээлжит бус “Их эе” хурлыг /2017.05.28/ зохион байгуулж, МҮБХ-ны тэргүүнээр “Гачуурт” ХХК-ийн ерөнхий захирал Л.Чинбатыг томилсон ч МҮБХ-ны тэргүүн Р.Нямдорж одоог хүртэл ажлаа хүлээлгэн өгөөгүй байгаа.

Иймд МҮБХ-ын цэцдийн зөвлөлөөс мэдэгдэл гаргаж ажлаа өгөхийг шаарджээ. Тэд Р.Нямдоржид 2017.06.10-ны дотор ажлаа хүлээлгэн өгөхийг шаардсан мэдэгдэл хүргүүлж, 2017.06.13-нд МҮБХ-ны шинэ удирдлага биечлэн уулзсан боловч шаардлагыг хүлээж аваагүй аж.

Уг мэдэгдлээр Р.Нямдоржийг ажлаа нэн даруй хүлээлгэн өгөхийг дахин шаардаж, бөхчүүдийг эв нэгдлээ эрхэмлэж, элдэв хууль бус хурал зөвлөлгөөнд оролцохгүй байхыг уриалжээ. Мөн Р.Нямдоржийг ажлаа хүлээлгэн өгөхгүй бол шийдвэртэй арга хэмжээ авна гэдгээ мэдэгдсэн байна.

Г.Тэгшсүрэн