УИХ-ын дарга, МАН-аас Ерөнхийлөгчид нэр дэвшигч М.Энхболд, гэргий Ж.Туяацэцэгийн хамт саналаа өглөө. Тэрбээр саналаа өгсний дараа сэтгэгдлээ хуваалцлаа.
М.Энхболд: Би Монгол Улсын иргэний хувьд Үндсэн хуулиар олгогдсон эрхийнхээ дагуу сонгуульд саналаа өглөө. Монгол төрийн сонгууль бүр өөр өөрийн онцлогтой байдаг. Энэ жилийн Ерөнхийлөгчийн сонгууль ч онцлогтой болж байна.
Энэ жилийн сонгууль улс орны эдийн засаг, нийгмийн хямралт байдлаас гарахад иргэддээ ээлтэй, эдийн засаг, хөгжлийг бий болгоход чухал нөлөө үзүүлэх сонгууль болж байна.
Монголчууд төрийнхөө сонгуульд оролцох энэ өдрийг баяр хэмээн тэмдэглэж ирсэн сайхан уламжлалтай. Мориныхоо дэлийг засч, шинэ дээлээ өмсөж сонгуульд саналаа өгөхөөр явж, төрийнхөө сонгуулийг хүндэтгэдэг уламжлалтай ард түмэн. Сонгогч иргэдээ сонгуульдаа идэвхтэй оролцоорой гэж уриалж байна. Энэ сонгууль эвтэй, сайхан сонгууль болоосой гэж бодож байна. сонгогчид энэ сонгуулийг зохион байгуулж байгаа 20 гаруй мянган төрийн албан хаагчдадаа сонгуулиа сайн зохион байгуулахыг хүсч, ажлын амжилт ерөөе.
В.Бат
Уншиж байна |