АН-ын удирдлагууд мэдээлэл хийлээ. АН-ын дарга С.Эрдэнэ:
-Ерөнхийлөгчийн сонгуулийн дахин санал хураалтын дүн сонгуулийн хороодоос ирсээр байна. Саналын дүн ирээгүй 40 орчим хэсгийн хороо байна. Сонгогчдын 50.7 хувийн саналыг манай АН-аас нэр дэвшигч Х.Баттулга авснаар Ерөнхийлөгчөөр сонгогдсон нь тодорхой боллоо. Манай нэр дэвшигчийг дэмжсэн бүх иргэд, ажиглагч, ухуулагч, жирийн ард түмэндээ баярлалаа. Энэ бол Монголын ард түмний асар их дэмжлэг юм хэмээв.
АН-аас нэр дэвшигч Х.Баттулга:
-Саналаа өгсөн нийт сонгогчдынхоо 610 мянган сонгогчийн саналыг авлаа. Хоёр дахь сонгуульд ирцээ дахин бүрдүүлж орсон нийт сонгогчдод баярлалаа, намын гишүүд дэмжигчдэдээ, МоАХ-ны партизанууддаа баярлалаа.
Монгол Улсаа хөгжүүлэх зорилготой Ерөнхийлөгчийн сонгуульд оролцсон. Монгол яллаа гэсэн анхны хэвлэлийн хурлаа хийж байна.
Монголчуудын эв нэгдлийг эрхэмлэнэ. Эдийн засгийн хүндрэлтэй холбоотой өртэй улсыг өргүй болгоно гэлээ.
Н.Энх