Нийт 1984 сонгуулийн хэсгийн хороодоос 1982 нь дүнгээ ирүүлсэн, хоёр хэсгийн хорооны санал хүлээгдэж байна.  Ховд аймгаас нэг хэсгийн хорооны дүн ирээгүй байгаа бол гадаад дахь сонгогчдын санал бүрэн ирээгүй байгаа юм.

Одоогийн байдлаар АН-аас нэр дэвшигч Х.Баттулга 610451 сонгогч буюу 50.6 хувийн, МАН-аас нэр дэвшигч М.Энхболд 496,765 сонгогч буюу 41.2 хувийн санал аваад байна.  Урьчдилсан байдлааар АН-аас нэр дэвшигч Х.Баттулга сонгогчдын олонхийн саналыг авч, өрсөлдөгчөө тэргүүлж байна.

Сонгуулийн хэсгийн хороодоос ирүүлсэн урьдчилсан дүнтэй холбогдуулан АН-аас мэдээлэл хийж, нэр дэвшигч Х.Баттулга “Монгол яллаа. Эв нэгдлийг эрхэмлэж, өртэй Монголоо өргүй болгоно” гэсэн юм. Харин МАН-аас өнөөдөр өглөө мэдээлэл хийх сурагтай.

Н.Энх