Ерөнхийлөгчийн сонгуулийн санал хураалтын дүн мэдээ нэгтгэгдэж дуусаагүй байна. нийт 1984 сонгуулийн хэсгийн хорооноос хоёр хэсгийн хорооны дүн хүлээгдэж байгаа юм. Тодруулбал, Ховд аймгийн Үенч сумын хэсгийн хорооны дүн ирээгүй байна. Мөн гадаад дахь сонгогчдын санал өнөөдөр шуудангаар ирэх юм.
Урьдчилсан байдлаар АН-аас нэр дэвшигч Х.Баттулга сонгогчдын 50.6 хувийг саналыг авч, өрсөлдөгчөө тэргүүлж байгаа. Хоёр хэсгийн хорооны саналын дүн ирсэн ч АН-аас нэр дэвшигч Х.Баттулга авсан саналын дүнд өөрчлөлт орохгүй, ялсан гэж зохион байгуулагчид үзэж байна.
Харин өнөөдөр ням гариг хэдий ч УИХ дахь АН-ын бүлэг ээлжит бусаар хуралдаж, Ерөнхийлөгчийн сонгуулийн дүнг хэлэлцэх юм байна. Тус намын бүлэг 11.00 цагт хуралдахаар болжээ.
Н.Энх
Уншиж байна |