Ерөнхийлөгчийн сонгуулийн санал хураалтын урьдчилсан дүнгээ орон нутаг, нийслэлийн сонгуулийн хороод СЕХ-нд  ирүүлээд байна. Харин  үргэлжлүүлэн  зарим орнууд дахь саналын хуудсыг өнгөрсөн шөнө болон өглөөний нислэгээр шуудангаар тээвэрлэгдэж ирсэн саналыг тоолж эхэллээ.

Гадаад улс дахь дипломат төлөөлөгчийн газраар дамжуулан  сонгуулийн насны 7200 сонгогч байна гэж бүртгэгдсэнээс  2699 сонгогч   саналаа өгчээ. 

Одоогоор гадаад дахь сонгогчдын 1615 саналын хуудас СЕХ-нд ирснийг тоолсноос 1345 нь АН-аас нэр дэвшигч Х.Баттулгад, 270 нь МАН-аас нэр дэвшигч М.Энхболдод саналаа өгсөн урьдчилсан дүн гарсан юм.