Монгол Улсын Ерөнхийлөгч Х.Баттулгын зарлигаар Олимпийн Хүрэл медальт, Дэлхийн хошой аварга, Дэлхийн аваргын мөнгөн медальт МУГТ С.Батцэцэгт Хөдөлмөрийн баатар цол олгохоор болсон.

Хөдөлмөрийн баатар цолыг дөнгөж сая /2017.08.02/ Монгол Улсын Ерөнхийлөгч Х.Баттулга Төрийн ордны Есөн хөлт танхимд гардууллаа.

Шагнал гардуулах ёслолын ажиллагаанд оролцохоор Асашёорюү Д.Дагвадорж нарын спортын төлөөлөл хүрэлцэн ирсэн байв.

Тулгар төрийн 2226, Их Монгол улсын 811, Ардын хувьсгалын 96 жилийн ойг тохиолдуулан МУГТ С.Батцэцэгт Хөдөлмөрийн баатар цол олгож буйг Монгол Улсын Ерөнхийлөгч Х.Баттулга онцоллоо.

МУГТ С.Батцэцэг гадаадад бэлтгэл хийж байгаа тул түүнийг эх орондоо хүрэлцэн ирмэгц нь Монгол Улсын Ерөнхийлөгч Халтмаагийн Баттулга Хөдөлмөрийн баатарын Алтан соёмбо тэмдэг, Сүхбаатарын одонг нь гардуулан өгөхөөр тов зарлаад байсан. Тэрбээр өчигдөр эх орондоо иржээ.

Г.Тэгшсүрэн