Хойд Солонгос өнөөдөр орон нутгийн цагаар 6.57 цагийн орчимд Японы Хоккайдо арлыг давуулан пуужин харвасан талаар “www.dailymail.co.uk” сайт мэдээллээ.

Уг пуужин 3,700 км орчим зам туулаад Номхон Далайн усанд унасан талаар Пентагоны хэвлэлийн албанаас уламжжлав.

Пхеньяныг пуужин харвах үед Японы эрх баригчид  уг пуужинг замд нь устгах арга хэмжээ аваагүй бөгөөд харин “J-Alert” түгшүүрийн системийг 12 мужид ажиллуулж, иргэдийг сонор сэрэмжтэй байхыг уриалсан байна.

Пхеньян өнгөрсөн сарын 29-нд түүхэндээ анх удаагаа Хоккайдог давуулан пуужин харвасан билээ. Мөн энэхүү туршилтаас хоёр өдрийн дараа зургаа дахь удаагаа цөмийн туршилт хийсэн юм.

Б.Дэлгэрцэцэг