Сангийн дэд сайдын үүрэг гүйцэтгэгч Х.Булгантуяагаас зарим зүйлийг тодрууллаа.

-Манай асуудлыг хэлэлцэх ОУВС-гийн захирлуудын зөвлөлийн хуралдаан  хойшлогдсон талаар Сангийн яаманд ямар нэг мэдээлэл ирүүлсэн үү?

-Одоогоор бидэнд энэ талаар ямар нэг мэдээлэл өгөөгүй байна. 

-ОУВС-гийн өргөтгөсөн хөтөлбөрийн хүрээнд  орж ирсэн санхүүжилтийг юунд зарцуулсан бэ?

-Хөтөлбөрийн хүрээнд одоогоор 138 сая ам.доллар байгаа. Төсөв их алдагдалтай байгаа. Төсвийн алдагдлыг санхүүжүүлсэн.

-Хөтөлбөрийн хүрээнд одоо хичнээн хэмжээний санхүүжилт хийгдэх бол?

-Одоо нийтдээ 3.3 тэрбум ам.доллар орж ирнэ. Үүний тал хувийг төсөл, хөтөлбөрүүдийг санхүүжүүлэхээр байгаа.  Нийгэм, эдийн засгийн үр өгөөжийг сайжруулах төсөл  хөтөлбөр. Үлдсэнийг нь төсвийн алдагдлыг санхүүжүүлэхэд зарцуулна. Төсвийн алдагдлаа санхүүжүүлэхгүй бол төрийн байгууллагууд үйл ажиллагаа явуулж чадахгүйд хүрнэ. Сургууль, цэцэрлэгийн багш нарын цалинг нэмэх нь битгий хэл тавьж чадахгүй нөхцөлд хүрнэ.

 
-Энэ оны төсөвт тодотгол хийхээр байгаа. Тодотголыг хэзээ өргөн барих бол?

-Төсвийн тодотголыг өргөн барих хуулийн хугацаа нь өнөөдрөөр дуусгавар болно. Тиймээс өнөөдөр төсвийн тодотголыг өргөн барина. 

-Тодотголд ямар зүйл тусгагдсан бэ?

-Сангийн яам одоо санал хүргүүлж байна. 

-Ерөнхийлөгчийн сонгуулиар хүүхдийн мөнгийг бүх хүүхдэд олгохоор болсон. Цаашид үргэлжлүүлэн олох уу?

-Хүүхдийн мөнгийг үргэлжлүүлэн олгоно. 

-Олгогдоогүй саруудынхыг нь яах вэ?

-Нөхөн олгоод явна. 

Н.Энх